«Ժառանգություն» խմբակցության տարեկան աշխատանքների ամփոփ հաշվետվության մեջ չկար նույն խմբակցության պատգամավոր Վարդան Խաչատրյանի գործունեության մասին որևէ տվյալ։ Լրագրողները հարցրել են, թե դա ի՞նչ է նշանակում՝ Վ. Խաչատրյանն ի վերջո խմբակցության անդա՞մ է, թե՞ ոչ։

-Իրավաբանորեն նա խմբակցության անդամ է։ Կարծում եմ, որ Վարդան Խաչատրյանն ինքը կներկայացնի իր հաշվետվությունը, եթե, իհարկե, ցանկություն ունենա,-պատասխանել է Ստեփան Սաֆարյանն ու նշել, թե խմբակցությունները հաշվետվությունները ներկայացնելիս ամփոփել են այն պատգամավորների հաշվետվությունները, որոնք ժամանակին ներկայացված են եղել։

-Այն տեղեկատվությունը, որ մենք կարողացել ենք ներկայացնել, առանց նրան ենք արել։ Ցավոք, չունենք այն վիճակագրությունը, թե նա որքան նամակներ է ստացել և որքան քաղաքացիների է պատասխանել։

Ստեփան Սաֆարյանն ասել է նաև, թե Վարդան Խաչատրյանը չի մասնակցում խմբակցության աշխատանքներին, թեև նիստերի մասին տեղեկացվում է։

7or.am