Ինչպես արդեն տեղեկացրել էինք սոցիալական ցանցերում տեղեկություն էր տարածվել, թե նոյեմբերի 2-4-ը Հայաստանում  կանցկացվի ադրբեջանական ֆիլմերի փառատոն «Խաղաղարար նախաձեռնությունների կովկասյան կենտրոնի» նախաձեռնությամբ (նախագահ' Գեորգի Վանյան) և Հայաստանում ամերիկյան դեսպանատան աջակցությամբ։ Ավելի ուշ, սակայն, հավանաբար նույն սոցիալական ցանցերում առաջացած դժգոհությունների հետևանքով, կազմակերպիչների կայքում տեղեկություն էր տեղադրվել, թե փառատոնի անցկացումը հետաձգվում է։ Ժամկետը չէր նշվում։

Ինչպես «7օր»-ին տեղեկացրել են Հայաստանում ԱՄՆ դեսպանատան տեղեկատվական բաժնից, դեսպանատունը փառատոնի հետաձգման վերաբերյալ որևէ տեղեկություն չի ստացել, սակայն փառատոնի բացման արարողությանը մասնակցելու դեսպանատան հրավիրատոմսում որպես ամսաթիվ նշված է նոյեմբերի 12-ը։

«Խաղաղարար նախաձեռնությունների կովկասյան կենտրոնում» ոչ ոք չի պատասխանում հեռախոսին, իսկ նրա նախագահ Գ. Վանյանի բջջայինն ընդհանրապես անհասանելի է։

Կանցկացվի՞ փառատոնն այսօր, թե՞ ընդհանրապես չի անցկացվի, այդպես էլ պարզ չէ։

7or.am