Լրագրողների հետ հանդիպման ժամանակ ՀՀ նախկին վարչապետ, տնտեսագետ Հրանտ Բագրատյանը խոսելով 2011թ. բյուջեի մասին՝ ասել է, թե այն, որ իշխանությունները 2011թ. բյուջեն անվանում են սոցիալական, պարզապես հեքիաթ է։

-Եկեք թվերով նայենք։ 2008թ. բյուջեն եղել է 746 մլրդ դրամ, 2009թ.՝ 960 մլրդ դրամ, 2010թ. ընդունել են 770 մլրդ դրամի բյուջե, 2011թ. էլ՝ 850 մլրդ է։ Տոկոսային հարաբերակցությամբ՝ 2011թ. բյուջեն 2008թ. բյուջեից ավելի է 13%-ով, բայց սա խաբկանք է։ 2008թ. ինֆլյացիան եղել է 9%, 2009թ.՝ 3,4%, 2010թ. այս պահի դրությամբ՝ 7,9%, (ես դեռ 9,1% թիվը չեմ ասում՝ չնայած կարող եմ ասել), իսկ 2011թ. ինֆլյացիան կազմում է 4+/-1%։ Գումարային ինֆլյացիան կազմում է 26%, այսինքն ստացվում է, որ 13%-ով  բյուջեն է ավելացել, իսկ 26%-ով՝ գները։ Այսինքն՝ 2011թ. բյուջեն 2008թ. բյուջեից 13%-ով պակաս է։ Եթե ես մի բան սխալ եմ ասում, թող վարչապետը նստի ու ասի՝ այս մարդը սխալ է ասում, ու ես ներողություն կխնդրեմ։ Սերժ Սարգասյանի կառավարման տարիներին այս մարդը բյուջեն պակասեցրել է 13%-ով,-ասել է նա։

Ըստ Հրանտ Բագրատյանի՝ բարոյական չէ այսքան բանն իմանալով՝ 2011թ. բյուջեին «սոցիալական» բնութագրումը տալ։

-Հո գյուղից չենք, որ մեզ խաբեն, վերջին հաշվով։ 2011թ. բյուջեն կատարյալ ֆիասկո է,-ասել է նա։

7or.am