Ամերիկյան հայտնի «System of a Down» ռոք խմբի անդամներն աշխատանքներ են իրականացնում նոր ձայնասկավառակի ստեղծման ուղղությամբ։ Այս մասին հաղորդում է «Asbarez»-ը և մանրամասնում, որ տեղեկությունը հաստատել է խմբի թմբկահար Ջոն Դոլմայանը:

«Վերջին 6 ամիսը մենք նոր ձայնասկավառակի վրա ենք աշխատում, ինչի շնորհիվ արդեն պատրաստ է 15 երգ»,–այս մասին Ջոն Դոլմայանն ասել է բրիտանական «Kerrang!» ամսագրին տված հարցազրույցում՝ հավելելով, որ դեռևս չգիտի ձայնասկավառակի շնորհանդեսի ամսաթիվը:

Թմբկահարի խոսքով՝ իրենց վրա ահռելի ճնշում կա, քանի որ արդեն 11 տարի է, ինչ նոր ձայնասկավառակ չեն ներկայացրել, սակայն այժմ երաժշտական կատարելագործված հմտություններով նոր բաներ են փորձում։

7or.am