«YouTube»-ում կրկին տեսահոլովակ է հայտնվել, ինչի պատճառով Թուրքիայի կառավորությունը 30 ամսով այդ կայքի վրա արգելք էր դրել։

Ինչպես հաղորդում է «Газета.ru»-ն՝ հղում անելով «Bloomberg»-ին՝ չնայած նման տեսանյութի ի հայտ գալուն, երեքշաբթի առավոտյան  Թուրքիայում բացվել է մուտքը «Youtube»։

Հիշեցնենք, որ Թուրքիայում կայք մուտք գործելու վրա արգելք էր դրվել այն բանից հետո, երբ երկրի քաղաքացիներց մեկը բողոք էր  ներկայացրել դատարան ՝ հայտարարելով, թե «YouTube»-ում տեսահոլովակներ են տեղադրվել, որոնք վարկաբեկում են ժամանակակից Թուրքիայի հիմանդիր Մուստաֆա Քեմալ Աթաթուրքին, նախագահ Աբդուլահ Գյուլին, վարչապետ Էրդողանին և թրքական բանակը։

Նշենք նաև, որ Թուրքիայի նախկին ղեկավար Աթաթուրքի պատիվը պաշտպանվում է օրենսդրությամբ, և նրա հասցեին ցանկացած վիրավորանք հետապնդվում է քրեական  օրենսգրքով։