«Հայ Քաղաքացիական Հասարակություն» Մարդու Իրավունքների Պաշտպանության Ընկերակցության կոչին ընդառաջ' միանալու Ժողովրդական հեռուստաալիքի' Ա1+ ի, պատվիրատուներին, տեղի ունեցավ հանդիպում, որի ժամանակ ներկաները խորհրդանշական նվիրատվության տեսքով իրենց քվեն տվեցին Ա1+ հեռուստաընկերությանը: Հանդիպմանը մասնակցում էին Ընկերակցության եւ ՀԱԿ «Ժողովրդավարական Հայաստան» Քաղաքացիական նախաձեռնության անդամները: Ներկանները մասնավորապես բժիշկներ Արա Գասպարյանը, Պարգեւ Նազարյանը եւ Հովհաննես Սարյանը նշեցին, որ Ա1+ -ը միակ հեռուստաալիքն է, որն իրականում ծառայում է Հայաստանի պետականության կայացմանը ու քաղաքացիական հասարակության կայացմանը, համայն հայությանը եւ աշխարհին տալիս անաչառ եւ օբյեկտիվ լրատվություն հայաստանյան կյանքի տարբեր ոլորտների վերաբերյալ: Հանդիպման մասնակիցներից Առնո Պետրոսյանը, Ղարիբյան Ռուդոլֆը, Մարիամ Ղահրամանյանը եւ Ֆրեդ Պողոսյանը կարեւորեցին հեռուստաընկերության վերաբացման գործընթացին համայն հայության մասնակցությունը, հիմնավորելով այն նրանով, որ հեռուստաընկերության վերաբացումը սկիզբ կլինի քաղաքացիական հասարակության առջեւ ծառացած կարեւորագույն խնդիրների լուծման, ապագայում ժողովրդական իշխանության ձեւավորման: Հանդիպման բոլոր մասնակցիները միանալով «Հայ Քաղաքացիական Հասարակություն» ՄԻՊ Ընկերակցության կոչին իրենց վրա պարտավորություն վերցրեցին իրենց համար բոլոր հասու միջոցներով մասսայականացնելու այն, առաջիկայում ամեն ինչ անելու, որպեսի ամերիկահայության մասնակցությունը լինի շոշափելի եւ իր լուման ունենա ժողովրդական հեռուստատեսության վերաբացման գործընթացում: Եզրափակելով հանդիպումը «Հայ Քաղաքացիական Հասարակություն» ՄԻՊ Ընկերակցության ղեկավար Կարո Կարապետյանը մասնակիցների անունից դիմեց համայնքի բոլոր շահագրգիռ կողմերին կոչով' կազմակերպելու նմանատաիպ ակցիաներ եւ դառնալու ժողովրդական հեռուստատեսության պատվիրատուներ:

Ա1+ ժողովրդական հեռուստատեսույան պատվիրատուներ դարձան'

Համլետ Մովսիսյանը

Առնո Պետրոսյանը

Հովհաննես Սարյանը

Արա Գասպարյանը

Պարգեւ Նազարյանը

Ռուդոլֆ Ղարիբյանը

Մարիամ Ղահրամանյանը

Սահակ Խուդողլյանը

Ֆրեդ Պողոսյանը

Հրանտ Խուդադյան

Կարո Կարապետյանը

«Հայ Քաղաքացիական Հասարակություն»

Մարդու Իրավունքների Պաշտպանության Ընկերակցության

Մամլո Ծառայություն

Գլենդել-Քալիֆորնիա