Լրագրողների հետ հանդիպման ժամանակ ՀՀ մարդու իրավունքների պաշտպան Արմեն Հարությունյանը ներկայացնելով «Արդար դատավարության իրավունքի ապահովումը Հայաստանի Հանրապետությունում» արտահերթ հրապարակային զեկույցն ասել է, թե մենք ազատ, անկախ դատարան դեռ չունենք: Նրա խոսքերով՝ ուսումնասիրելով մի շարք գործեր իրենք եկել են շատ տխուր եզրակացության:

-Եզրակացրել ենք , որ ՀՀ իրավակիրառական պրակտիկայում արդար իրավունքի իրավախախտումները հաճախ պայմանավորված են նրանով, որ ՀՀ-ում դատարանները լիովին ձերբազատված չեն քրեկան հետապնդման մարմնին հարելու քրեադատավարական  օրենսդրությամբ նախատեսված իրենց կարգավիճակից և շարունակում են իրենց վրա կրել դատախազական համակարգի ազդեցությունը: Նենգափոխվում է դատարանի' իբրև արդարությունը մարմանավորողի դերն ու նշանակությունը, հանգեցնելով դատարանների և ընդհանրապես դատական համակարգի նկատմամբ հասարակության վստահության կորստին,-ասել է Արմեն Հարությունյանը:

Նա նշել է, որ  խախտումները վերացնելու նպատակով անհարաժեշտ է  արմատական փոփոխության ենթարկել ՀՀ դատական իշխանությունը կրողների իրավամտածողությունը, որպեսզի նորովի իմաստավորվի արդար դատաքննության իրավունքի վերաբերյալ միջազգային չափանիշների և ՀՀ ներպետական օրենսդրությամբ սահմանված իրավանորմերի լիրաժեք իրացումը իրավակիրառական պրակտիկայում:

7or.am