Ինչպես ավելի վաղ հայտնել էինք, Երևանի հայտնի չմշկորդ պապիկը՝ Լևոն Աբգարյանը, հեռացել է իր երիտասարդ կնոջից՝ Գաբի Գաբրիելյանից, ով նրանից փոքր է 37 տարով։ Լևոնն իր ֆեյսբուքյան էջում «ընտանեկան կարգավիճակը» փոխել է «միայնակի» և լուսանկար հրապարակել ռուս կնոջ հետ՝ գրելով. «Թող հավերժանա հայ և ռուս ժողովրդի բարեկամությունը»։

Պարզաբանում ստանալու համար «BlogNews.am»-ը խոսել է Լևոն Աբգարյանի հետ.

«Նախ ասեմ, որ ես ամուսնացած չեմ եղել Գաբիի հետ, մենք միասին պարզապես ապրել ենք: Եթե ամուսնացած չես, ի՞նչ ամուսնալուծության մասին է խոսքը: Ամեն ինչ նորմալ է, երեխան ծնվել է, ես երեխայի հայրությունը ընդունել եմ, նա իր համար է ապրում, ես՝ իմ: Երբ ապահովված կյանքով ես ապրում, սերը կորում է, պետք է անապահով լինես, որ սեր մնա, որովհետև ընտանիքը հարգանք է, պատիվ, ադաթ, իսկ ես տիեզերքի սիրո ներկայացուցիչն եմ, չեմ կարող առանց սեր ապրել»: