«Սարդարապատ» շարժման նախաձեռնող խմբի հրավիրած «Հայ հասարակական-քաղաքական միտքը» թեմայով կլոր սեղանի ժամանակ հրապարակախոս Հրանտ Տեր-Աբրահամյանն ասել է, որ մեծ հաշվով մինչև այսօր Հայաստանը Ռուսաստանից առանձնացված չէ։

-Ֆորմալ առումով առանձնացված է, իսկ  մտքի առումով առանձնացված չէ։ Հայաստանի անկախությունը ձևական բնույթ է կրում։ Մինչև չձակերպվի անկախ միտք, անկախ քաղաքականություն չի լինի,-ասել է նա։

Նա նշել է, որ ՀՀ 3-րդ հանրապետության ձեռքբերում կարելի է համարել Արցախի հերոսամարտը և այն, որ, այնուամենայնիվ, մեր հասարակության մոբիլիզացման աստիճանը բարձրացել է։

-2008-ի փետրվարյան տասնօրյակը ոչ թե անցյալում է, այլ դրա պտուղներն ապագայում են լինելու։ Սա այնպիսի մասշտաբի իրադարձություն է, որ սերմեր կցանի։ Նույնը, օրինակ, Եվրոպայում 60-ականներին..Ի՞նչ եղավ՝ ապստամբություն, և պարտվեցին, գնաց, բայց դրա սերունդները եկան,  հետո երևացին պտուղները,-ասել է նա։

Ըստ Հրանտ Տեր-Աբրահամյանի՝ երբ 2007-ին դեռ նոր էր ձևավորվում համաժողովրդական ալիքը, նոր որակներ ստեղծելու նպատակ ուներ։

-Այն ձևը, որ այսօր «Հայ ազգային կոնգրեսն» ընդունել է՝ այդ կուսակցությունների՝  որպես դաշինք ձևավորելը, բացարձակ ոչ ադեկվատ է։ Կարելի է ասել՝ մեռած ձև է,-նշել է նա։

7or.am