Կանադացի լուսանկարիչ Թրինա Քարին կազմակերպել է զանգվածային էրոտիկ ֆոտոսեսիա՝ որպես բողոքի նշան «Facebook»–ի դեմ, որտեղ արգելված է հրապարակել մերկ մարմնով լուսանկարներ և տեսանյութեր։ Քարիի 30 հայրենակցուհի մերկացել է տեղի քարհանքերից մեկում։ Այս մասին հաղորդում է «Metro»–ն։

Նման սուր մտահղացմամբ ֆոտոսեսիա կազմակերպելու առիթ է հանդիսացել վերջերս տեղի ունեցած միջադեպը, երբ «Facebook»–ը մի քանի օրով արգելափակել էր նրա էջն այն բանի համար, որ տեղադրել էր իր օգտահաշվում մի քանի էրոտիկ լուսանկար։

«Ես ապշած եմ խոշորագույն սոցիալական ցանցի ներկայացուցիչների նման որոշմամբ։ Իմ լուսանկարները «Facebook»–ի կանոններին դեմ չէին։ Իմ մոդելների ինտիմ մասերը ծածկված էին»,–պատմել է կանադուհին։

Որպես բողոքի նշան «Facebook»–ի գրաքննության դեմ՝ կինը բոլոր ցանկացողներին հրավիրել է մերկ լուսանկարվել տեղի քարհանքում։ Լուսանկարները Քարին հրապարակել է «Instagram»–ի իր էջում։

7or.am