Դեկտեմբերի 27-ին, ժամը 18.00-ին Գեղարքունիքի մարզից ստացված տեղեկության համաձայն' Սևան-Մարտունի ավտոճանապարհի 62-րդ կիլոմետրում՝ Ներքին Գետաշեն գյուղի մերձա­կայքում, տեղի է ունեցել ավտոպատահար, և անհրա­ժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Հոնդայի» մակնիշի 20 ՕՍ 234 պետհամարանիշի ավտոմեքենան, վրաերթի ենթարկելով Ներքին Գետաշեն գյուղի բնա­կիչ, 1957 թ. ծնված Աղասի Գևորգյանին, դուրս է եկել ճանապարհի երթևեկելի մասից և հարվածել ծառին:

Պատահարի հետեւանքով Ա. Գեւորգյանը տեղում մահացել է, իսկ ավտոմեքենայի վարորդ, նույն մարզի Լիճք գյուղի բնա­կիչ, 1992 թ. ծնված Հայկ Պողոսյանը տարբեր մարմնական վնասվածքներով տեղափոխվել է Մարտունու հիվանդանոց, ավելի ուշ' Երեւանի «Սուրբ Գրիգոր Լուսավորիչ» բժշկական կենտրոն:

Ըստ բժիշկների՝ տուժածի վիճակը ծայրահեղ ծանր է:

Նույն օրը, ժամը 20.35-ին ահազանգ  է ստացվել, որ Սպիտակ-Երևան ավտոճանապարհի 8-րդ կիլոմետրում տեղի է ունեցել ավտոպատահար, եւ անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ իրար են բախվել «ՎԱԶ-2107» մակնիշի 14 ՏՍ 398 եւ «ՎԱԶ-2103» մակնիշի 14 ՍՕ 157 պետհամարանիշների ավտոմեքենաները: Պատահարի հետեւանքով «ՎԱԶ-2107» մակնիշի ավտոմեքենայի վարորդ, Լոռու մարզի Արևաշող գյուղի բնա­կիչ, 1965 թ. ծնված Արթուր Հակոբջանյանը տեղում զոհվել է, իսկ ուղեւորներ' Կոտայքի մարզի Հրազդան քաղաքի բնա­կիչ, 1966 թ. ծնված Ա. Սողոմոնյանը, նույն մարզի Սոլակ գյուղի բնա­կիչներ' 1961 թ. ծնված Ֆ. Հունանյանը, 1962 թ. ծնված Հ. Հունանյանը, 1962 թ. ծնված Վ. Խաչատրյանը և «ՎԱԶ-2103» մակնիշի ավտոմեքենայի վարորդ, Վանաձոր քաղաքի բնա­կիչ, 1987 թ. ծնված Մ. Մալյանը, տարբեր մարմնական վնասվածքներով տեղափոխվել են Սպիտակի հիվանդանոց:

Ըստ բժիշկների՝ տուժածների վիճակը միջին ծանրության է: