Լրագրողների հետ հանդիպման ժամանակ ԲՀԿ նախագահ Գագիկ Ծառուկյանի մամլո խոսնակ Խաչիկ Գալստյանը, խոսելով ՀՀ արտաքին քաղաքականության մասին, ասել է, թե հայ-թուրքական հարաբերությունների կարգավորումը չի կարող իրականանալ ԼՂ հիմնախնդրի ու Ցեղասպանության մերժման հաշվին։

-Յուրաքանչյուր պահի, երբ Թուրքիայի պաշտոնական դիրքորոշման մեջ փոփոխություն նկատենք, մեր ձեռքերը ոչ ոք չի կապել, մենք կարող ենք այդ գործընթացից դուրս գալ,-նշել է նա։

Խաչիկ Գալստյանի կարծիքով գործընթացի թե՛ հաջողութան, թե՛ ձախողման դեպքում Հայաստանը հաղթող է դուրս գալու:

-Եթե հաջողվի առանց նախապայմանների հարաբերություններ հաստատել, դա այն է, ինչ նախաձեռնել էինք։ Եթե ձախողվի, ապա հայ ժողովրդի ողջ հատվածի կոնսոլիդացիայի հսկայական ներուժ ենք ստանում, արտաքին քաղաքական քարոզչության ասպարեզում բացառիկ հնարավորություն ենք ունենում Թուրքիայի ապակառուցողական դիրքորոշումն աշխարհին ներկայացնելու համար,-նշել է նա։

Այն հարցին, թե որ սցենարն է ավելի հավանական՝ վավերացո՞ւմը, թե՞ գործընթացի ձախողումը, Խաչիկ Գալստյանն ասել է, թե ավելի հավանական է, որ արձանագրությունները վավերացվեն։

7or.am