Դեկտեմբերի 21-ին, ժամը 12.53-ին ԱԻՆ–ում ահազանգ է ստացվել, որ Երևանի Մյասնիկյան պողոտայում՝ կենդանաբանական այգու մոտ, տեղի է ունեցել ՃՏՊ` ավտոմեքենան բախվել է ծառին, կա տուժած. անհրաժեշտ է փրկարարների օգնությունը:

Դեպքի վայր են մեկնել ճգնաժամային կառավարման ազգային կենտրոնի արտակարգ իրավիճակների արձագանքման խումբ և երկու մարտական հաշվարկ:

Պարզվել է, որ «Opel Vectra B» մակնիշի 91 AL 777 պ/հ ավտոմեքենան (վարորդ` 1992 թ. ծնված Ս. Ղ.) բախվել է ճամփեզրի ծառին, ինչի հետևանքով ծառը կոտրվել և ընկել է տրոլեյբուսի լարերի վրա:

Ս. Ղ.-ը հոսպիտալացվել է «Սրբ. Գր. Լուսավորիչ» ԲԿ:

Փրկարարները փակել են գազի բալոնի փականը, անջատել մարտկոցը և սահմանազատել տարածքը:

Կտրվի լրացուցիչ տեղեկատվություն: