Ինչպես հաղորդում է «BBC»-ն, փորձագետները կարծում են, որ տղամարդիկ թույլ սեռ են, երբ խոսքը վերաբերում է  առողջությանը։

Տղամարդիկ կանանցից հաճախ են ունենում չարորակ հիվանդություններ, որոնք ավելի շատ են վտանագում մարդու կյանքը։

Ինֆարկտը, կաթվածն ու ճարպակալումը հիմնականում տղամարդկանց խնդիրներն են։

Առաջին ինֆրակտից կամ կաթվածից հետո տղամարդիկ ավելի շատ են մահանում, քան կանայք։

Ինքնասպանների մեծամասնությունը արական սեռի ներկայացուցիչներ են՝ հաջողված ինքնասպանությունների 75%-ը տղամարդկանց է բաժին ընկնում։

Գիտնականները վերլուծել են բոլոր վիճակագրական տվյալները և եկել այն եզրակացության, որ այս ամենը անառողջ ապրելակերպ վարելու հետևանքն է՝ վնասակար սովորություններ, նստակյաց կյանք և այլն։

Բացի այդ, տղամարդիկ կանանցից քիչ են բժշկի դիմում, ինչը չի նպաստում առողջությանն ու երկարակեցությանը։