Դեկտեմբերի 28-ին, ժամը 09.47-ին տեղեկություն է ստացվել, որ Երևան-Գյումրի ավտոճանապարհի 35-րդ կմ-ին տեղի է ունեցել ՃՏՊ՝ ավտոմեքենա է գլորվել ձորը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Mitsubishi Pajero» մակնիշի (վարորդ՝ Հ. Բ.) 38 օօ 888 պետհամարանիշով ավտոմեքենան դուրս է եկել ճանապարհի երթևեկելի հատվածից և գլորվել ձորակը, ինչի հետևանով ուղևոր՝ 1965 թ. ծնված Ա. Ս.-ը հոսպիտալացվել է Աշտարակի ԲԿ: Տուժածը, ստանալով համապատասխան բուժօգնություն, դուրս է գրվել:

Փրկարարները հոսանքազրկել են ավտոմեքենան և փակել գազի բալոնի փականը: