Լոնդոն մեկնելիս Թուրքիայի նախագահ Աբդուլահ Գյուլը լրագրողներին հայտարարել է, թե գլխաշորերի խնդիրն արդեն լուծված է։

Գյուլն ասել է, թե տեղի է ունեցել նույնը, ինչ մասնավոր հեռուստաընկերությունների դեպքում։

-«Դե ֆակտո» ամեն ինչ ավելի արագ է ստացվել, քան «դե յուրե»։ Բոլոր իրավաբանական կարգավորումները պետք է տեղի ունենան հանգիստ, որպեսզի խուսափենք խնդրի կրկնությունից,-հավելել  Թուրքիայի նախագահը։

Նկատենք, որ Թուրքիայի նախագահի կինը՝ Հայրուննիսա  Գյուլը, բոլոր հրապարկային հանդիպումներին մասնակցում է  գլխաշորով և հաճախ հայտնվում է այդ թեմայով աշխույժ քննարկումների կենտրոնում։

Այս հայտարարությունը կարծես ուղղակի հակասում է նրան, ինչն իրականում կատարվում է երկրում. պետական գործիչների կեսը դեռ ընդհանուր հայտարարի չի եկել, թե արդյոք կանանց կարելի՞ է գլխաշոր կրել հանրային վայրերում, թե՞ ոչ։