Համաձայն ՊԲ օպերատիվ ամփոփագրի տվյալների, անցած շաբաթվա ընթացքում ղարաբաղա-ադրբեջանական զորքերի շփման գծում նկատվել է հրադադարի ռեժիմի խախտման նվազում: Նախորդ յոթնօրյակում արձանագրված 165-ի համեմատ այս շաբաթ հակառակորդի կողմից հրադադարի խախտումը կրճատվել է շուրջ 60 դեպքով: Սակայն, հակառակ դրան, աճել է դիպուկահարային զինատեսակների կիրառման քանակը: Նկատելի ակտիվություն է արձանագրվել նաև ադրբեջանական օդուժի կողմից սահմանյին գոտու երկարությամբ իրականացված վարժաուսումնական և հետախուզական շրջաթռիչքների առումով, որի ընթացքում հակառակորդը գործողության մեջ է դրել ինչպես մարտական ինքնաթիռներ, այնպես էլ' անօդաչու թռչող սարքեր:
ՊԲ առաջապահ ուժերի և հակաօդային ստորաբաժանումների ձեռնարկած համարժեք գործողությունների շնորհիվ ապահովվել է Արցախի ցամաքային և օդային սահմանների լիարժեք պաշտպանությունը: Անհրաժեշտության դեպքում հակառակորդի դիրքապահ ստորաբաժանումները ստացել են համարժեք պատասխան:

 ՊԲ Լրատվության և քարոզչության բաժին