Ինչպես արդեն տեղեկացրել էինք,  «Նաիրիտ» գործարանի աշխատակիցները նախագահական նստավայրի հարևանությամբ բողոքի գործողություն են իրականացնում։

Ցուցարարների մեջ մի կին վատացել է, և շատպօգնության աշխատակիցները փորձում են այս պահին օգնություն ցույց տալ նրան։

«Նաիրիտ» գործարանի 5 աշխատակիցներ մտել են նախագահի նստավայր՝  իրենց պահանջները ներկայացնելու։ Նրանց հետ ներս է մտել նաև տնօրեն Վահան Մելքոնյանը, ով էլ կփորձի բացատրություններ տալ։

Հիշեցնենք՝  գործարանի աշխատակիցները բողոքում են, որ իրենց արդեն 3 ամիս աշխատավարձ չեն տալիս, ինչպես նաև նրանից, որ գործարանը երկար ժամանակ պարապուրդի է մատնված։

Աշխատակիցները բողոքում են նաև անհամաչափ աշխատավարձերից՝ մասնավորապես նշելով,  որ տնօրինությունը բավական բարձր աշխատավարձ է ստանում, բայց ըստ էության ոչ մի գործ չի անում, որ այնտեղ հիմնականում  աշախատում են  կարճ կիսաշրջազգեստներով աղջիկներ, և նրանց ամեն ընդմիջումը հասարակ աշխատողների աշխատավարձի չափին է հավասար։ Ըստ ցուցարարների՝ գործարանի տնօրեն Վահան Մելքոնյանը մոտավորպես 4 մլն դրամ աշախատավարձ է ստանում, այնինչ իրենց աշխատավարձը տատանվում է 50-80 հազարի սահմաններում։

Նշենք, որ բողոքում են գործարանի բոլոր աշխատակիցները՝ բացի տնօրինությունից, որոնք, ըստ ցուցարարների, Վահան Մելքոնյանի ծանոթ-բարեկամներն են։

«7օր»-ի հետ զրույցում «Նաիրիտի» տնօրեն Վահան Մելքոնյանը հերքել է այն լուրը, թե ՀՀ վարչապետը կապ ունի գործարանի հետ՝ նշելով, որ Տիգրան Սարգսյանն այնքան առնչություն ունի «Նաիրիտի» հետ, որքան կարող է ունենալ ՀՀ վարչապետը։

7or.am