Գարնանը Հրազդանի կիրճում փլուզված հենապատի տեղում այսօր  կառուցված է նոր ու անվտանգ հենապատ: Կրող գրունտներից սկսած երկաթբետոնյա նոր հիմք է գցվել: Նախորդ դարի 50-ականներին կառուցված հենապատին արդեն փոխարինում է նորը: Մոտ օրերս կսկսվեն նաև սալիկապատման աշխատանքները։

Երևանի քաղաքապետարանի շինբարեկարգման վարչության պետը նշեց, որ ամենաբարդ աշխատանքներն արդեն իրականացված են. «Հենապատի կրող բետոնյա մասը լրիվ ավարտված է: Շինարարներն անցել են հարդարման աշխատանքներին, իսկ վերևի հատվածում նախատեսված են ճանապարհի նորոգման աշխատանքներ»։

 Արդեն տեսանելի է նաև փլուզված ճանապարհի տեղում կառուցված նոր երթևեկելի գոտին: Այստեղ այժմ հողային ու խճային աշխատանքներ են իրականացվում: Եվս մի քանի օր, և ճանապարհը երթևեկելի կլինի:

 Ճանապարհի ու հենապատի փլուզման հետևանքով կիրճի այդ հատվածում առաջացել էր մոտ 7-8 մետր խորությամբ փոս: Ստեղծվել էր վթարավտանգ իրավիճակ, անանցանելի էր դարձել Պռոշյան փողոցից դեպի Հրազդանի կիրճ տանող ճանապարհը:

բյուջեից 750 մլն դրամ է հատկացվել:

 Երևանի քաղաքապետարանի տեղեկատվության

 և հասարակայնության հետ կապերի վարչություն