Ռուսաստանի արտգործնախարարության հատուկ ներկայացուցիչ Անդրեյ Նեստերենկոն հաղորդել է, որ Ռուսաստանի արտգործնախարար Սերգեյ Լավրովն ու Հայաստանի բարձրաստիճան ղեկավարները Երևանում կքննարկեն ղարաբաղյան հակամարտության կարգավորման գործընթացը։

Նրա խոսքերով՝ հայ-ռուսական հարաբերությունների զարգացումները առաջադիմական և բազմածրագրային բնույթ են կրում։

-Չնայած գլոբալ ճգնաժամային երևույթներին՝ հայ-ռուսական առևտրատնտեսական, ռազմաքաղաքական, հումանիտար և միջտարածաշրջանային փոխհարաբերությունների ընթացքը ընդհանուր առմամբ դրական միտում ունի,-նշել է նա։

Անդրեյ Նեստերենկոն նաև ընդգծել է, որ Հայաստանի և Ռուսաստանի միջև համագործակցությունը նպասում է ՀՀ-ի սոցիալ-տնտեսական վիճակի կայունացմանը։

-Մասնավորապես, 2009թ. հունիսին Հայաստանը Ռուսաստանից 500 մլն ԱՄՆ դոլարի չափով երկարաժամկետ վարկ է վերցրել։ Հաջորդիվ կարգավորվում են մասշտաբային ներդրումային ծրագրերը  տնտեսության և տրանսպորտի ոլորտներում,-ասել է նա։

Ընդգծենք, որ Ռուսաստանի արտգործնախարար Սերգեյ Լավրովը Հայաստանում կլինի հունվարի 13-14-ը։

Հավելենք նաև, որ Ռուսաստանի վարչապետ Վլադիմիր Պուտինի հրավերով աշխատանքային այցով հունվարի 12-13-ը Ռուսաստանում է գտնվելու Թուրքիայի վարչապետ Ռեջեփ Թայիփ Էրդողանը։

Ըստ «Ռեգնում»-ի