-Իմ պատկերացրած ընդդիմությունը պետք է լինի նպատակասլաց, հետևողական և քաջ։ Այս գիծն ընդհանուր առմամբ շատ է պակասում ընդդիմությանը,-պատասխանելով լրագրողի հարցին, թե արդյոք ՀԱԿ-ն իր պատկերացրած ընդդիմությո՞ւնն է, որ միացել են նրան, ասել է  «Ժողովրդական իշխանություն» հասարակական քաղաքական նախաձեռնության 33 հիմնադիր անդամներից Զոյա Թադևոսյանը։ Հիշեցնենք, որ հունվարի 8-ին հրավիրված ՀԱԿ հանրահավաքի ժամանակ հայտարարվեց, թե վերոնշյալ նախաձեռնությունը, որ ստեղծվել էր «Ժառանգություն» կուսակցությունից առանձնացված թևից, միացել է Հայ ազգային կոնգրեսին։

-Բայց այսօր ես ընտրելու այլ հնարավորություն չունեմ։ Մեր ընդդիմադիր դաշտը գործում է այնպես, ինչպես կարող է գործել Հայաստանի Հանրապետությունում եղած ճնշումների պայմաններում, և այսօր կա միայն այդ ընդդիմությունը։ Այլ ընդդիմություն ցույց տվեք, ես համեմատություն անեմ, և այդ համեմատության մեջ ասեմ՝ ճի՞շտ եմ ընտրել, թե՞ ոչ։ Սա միակ իրական ընդդիմությունն է, հետևաբար մեր ընտրությունը միայն դա կարող էր լինել,-ընդգծել է Զոյա Թադևոսյանը։

7or.am