ԱՄՆ նախագահ Դոնալդ Թրամփը հանձնարարել է պարզել՝ արդյոք ԱՄՆ-ին ձեռնտո՞ւ է բխում միջուկային ծրագրի շրջանակում Իրանի դեմ սահմանված պատժամիջոցների մասնակի չեղարկումը: ՌԻԱ «Նովոստիի» փոխանցմամբ՝ այս մասին հայտարարել է ԱՄՆ պետքարտուղար Ռեքս Թիլլերսոնը:

Վերջինը Ներկայացուցիչների պալատի խոսնակ Փոլ Ռայանին ուղղված նամակում նշել է, որ ապրիլի 18-ի դրությամբ՝ Իրանը հետեւում է համաձայնություններով սահմանված իր պարտավորություններինն:

Այդուհանդերձ, նամակում Իրանը կրկին ահաբեկչության հովանավոր է անվանվում։

«Պետքարտուղարը մտահոգություն է հայտնում Իրանի դերի շուրջ՝ որպես ահաբեկչության հովանավոր երկրի ու Կոնգրեսին տեղեկացնում նախագահի հանձնարարականով աշխատանքի մասին՝ գնահատելու համար՝ արդյոք պատժամիջոցների հետագա չեղարկումը համապատասխանում է ԱՄՆ-ի ազգային անվտանգության շահերին»,- ասվում է Պետդեպի հաղորդագրությունում:

7or.am