Գնահատելով թիվ 10 ընտրատարածքում ԱԺ պատգամավորի ընտրությունները՝ ՀՀԿ մամուլի խոսնակ Է.Շարմազանովն ասել է, որ այդտեղ Հանրապետական կուսակցությունը թեկնածու չի առաջադրել, հետևաբար կուսակցությունը շահագրգռվածություն չի ունեցել։ Այդուհանդերձ, նա նշել է.

-Մեզ համար ընդունելի չէ որևէ խախտում, որ կողմից էլ որ լինի։ Քաղաքական գնահատականը հետևյալն է՝ թիվ 10 ընտրատարածքի (որը Երևանի կենտրոնն է և միշտ էլ ունեցել է ժողովրդի մեծ մասնակցություն) այսօր մոտ 20% մասնակցությունը ցույց է տալիս, որ Լևոն Տեր-Պետրոսյանի վարկանիշը Հայաստանով մեկ ընկել է, այդ թվում նաև քաղաքի կենտրոնում։ Հիմա մեր կոնգրեսական գործընկերները կասեն՝ մենք հաղթել ենք, Նոր տարի է և այլն, և այլն, ես էլ ասում եմ՝ վատ պարողին ոտքերն են խանգարում։

Նա նշել է, որ ՀՀԿ-ն պաշտոնապես որոշում չի կայացրել՝ սատարել, թե չսատարել որևէ թեկնածուի, և ընտրատեղամասերում հանրապետական բնակիչներն իրենց ընտրության հարցում ազատ են եղել։

7or.am