«Ռուսաստանը և Եվրամիությունը երկար տարիներ ռազմավարական գործընկերներ են եղել, և մենք կցանկանայինք այդ վիճակին վերադառնալ»,- ՌԴ ԱԳ նախարար Սերգեյ Լավրովի հետ հանդիպումից հետո կայացած մամուլի ասուլիսի ժամանակ նման միտք է հայտնել ԵՄ արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին՝ հավելելով, որ Եվրամիությունը պատրաստ է վերադառնալ Ռուսաստանի հետ ռազմավարական գործընկերությանը և քննարկել հնարավոր համագործակցության բոլոր ուղղությունները: Այս մասին հայտնում է ՏԱՍՍ-ը:

«Մենք պատրաստ ենք մեր ընդհանուր շահերի տեսանկյունից քննարկել հնարավոր համագործակցության բոլոր ուղղությունները: Շատ հացերում դրանք համընկնում են՝ ե՛ւ երկկողմ, ե՛ւ տարածաշրջանային, ե՛ւ գլոբալ հիմքով»,–նշել է Մոգերինին։

Մոգերինին նկատել է՝ հակառուսական պատժամիջոցները Եվրամիության համար ինքնանպատակ չեն. եվրոպական բոլոր 28 երկրները, որպես միասնական Եվրոպական միություն, կարծում են, որ դա Ուկրաինայի արեւելքում հակամարտության դադարեցմանն ուղղված քաղաքականություն է։

7or.am