Ապրիլի 23-ին «Ռեալ Մադրիդ» և «Բարսելոնա» ֆուտբոլային ակումբների հանդիպումից հետո, որն ավարտվել է «Բարսելոնայի» հաղթանակով (3։2), հոլիվուդյան հայտնի դերասանուհի Ջուլյա Ռոբերթսը հնարավորություն է ունեցել լուսանկարվել և շփվել Լիոնել Մեսսիի և Քրիշտիանու Ռոնալդոյի հետ, ինչի արդյունքում Էլ Կլասիկոն տեղափոխվել է արդեն ինտերնետային տիրույթ։

Ինչպես տեղեկացնում է «DailyMail»-ը, «Բարսելոնան» «Ինսթագրամի» իր էջում նկար է հրապարակել՝ վերնագրելով այն «Եվ Օսկարը (միշտ) գնում է Լիոնել Մեսսիի մոտ»։

Ռեալ Մադրիդն, ի պատասխան, տեղադրել է մի շարք նկարներ՝ նշելով, որ Ջուլյա Ռոբերթսը հանդիպել է ոչ միայն Քրիշտիանու Ռոնալդոյի, այլ նաև ակումբի մի շարք այլ աստղերի հետ, այդ թվում նաև՝ Սերխիո Ռամոսի, Զինեդին Զիդանի և Մարսելոյի։

Ջուլյա Ռոբերթսին անգամ հաջողվել է մուտք գործել «Ռեալ Մադրիդի» հանդերձարան։ Ակումբի պաշտոնական էջի ներկայացուցչի հետ զրույցում նա նշել է․

«Ես անչափ հուզված եմ, որ հնարավորություն ունեմ գտնվել այստեղ։ Այստեղ գտնվում է իմ ամբողջ ընտանիքը, և մենք անչափ ոգևորված ենք»։

Ռոբերթսը, սակայն, հրաժարվել է պատասխանել՝ ում է նախընտրում՝ Մե՞սսիին, թե՞ Ռոնալդոյին։

7or.am

Տեսանյութն՝ այստեղ։