Թուրքիայի ներկայիս տարածքում՝ Արդահան քաղաքում օրեր առաջ հայտնաբերված գտածոյի՝ խաչի պատկերով դագաղի մասին նոր տեղեկություններ են ի հայտ եկել։

«Posta»–ի փոխանցմամբ՝ դագաղում գտնվող բարձրաստիճան զինվորականը 1877–1878 թվականներին Կարսը գրաված ռուս գեներալ Վասիլի Գեյմանն է, ով 1878–ին վարակիչ հիվանդության զոհ է դարձել և թաղվել Արդահանում։

Կարսի թանգարանի տնօրենը հայտնել է, որ ԴՆԹ թեստի արդյունքից հետո դիակը հանձնվելու է ՌԴ–ին։

Հիշեցնենք՝ ավելի վաղ հայտնի էր դաձել, որ ռուս գեներալի դագաղից անհետացել է ադամանդներով զարդարված թուրը։ Ռուս պատմաբանները ենթադրում են, որ գեներալը թաղվել է այն ժամանակ, երբ Արդահանը ռուս–թուրքական պատերազմի արդյունքում մտել է Ռուսական կայսրության կազմ։

Ռուս դիվանագետներն արդեն փորձում են պայմանավորվել իրենց թուրք գործընկերների հետ դագաղը գեներալի հետ Ռուսաստան տեղափոխելու համար։

7or.am