Այսօր Սոչիում կայացել է ՀՀ նախագահ Սերժ Սարգսյանի, ՌԴ նախագահ Դմիտրի Մեդվեդևի և Ադրբեջանի նախագահ Իլհամ Ալիևի հանդիպումը։ ՌԴ նախագահի մամուլի ծառայությունից տեղեկացնում են, որ եռակողմ հանդիպման ժամանակ նախագահները քննարկել են Լեռնային Ղարաբաղի հակամարտության կարգավորման հետագա ուղիները։

Այսօրվա եռակողմ հանդիպումը թվով 5-րդն է։ Առաջին բանակցությունները տեղի են ունեցել 2008թ. նոյեմբերին, որոնց արդյունքում Ս. Սարգսյանը, Դ. Մեդվեդևը և Ի. Ալիևը հռչակագիր ընդունեցին։ 2-րդ հանդիպումը կայացել է 2009թ. հունիսին, 3-րդը՝ 2009թ. հուլիսին Մոսկվայում, 4-րդը՝ 2009թ. հոկտեմբերին Քիշնևում։

Հիշեցնենք, որ հունվարի 20-ին ԵԱՀԿ Մինսկի խմբի համանախագահները ՀՀ նախագահին են ներկայացրել մադրիդյան սկզբունքների նորացված տարբերակը՝ համանախագահների առաջարկած վերջին փոփոխություններով։

Մադրիդյան սկզբունքների նորացված տարբերակն Ադրբեջանի նախագահ Իլհամ Ալիևին էր ներկայացվել դեռ 2009թ. դեկտեմբերին։

7or.am