Սեպտեմբերի 12-13-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Աբովյան-Արզնի ավտոճանապարհի 2-րդ կմ-ի մոտակայքում՝ մոտ 3000 քմ, Մեղրի-Արաքսաշեն ավտոճանապարհի 4-րդ կմ-ին՝ մոտ 2000 քմ, Սյունիքի մարզի Մեղրի քաղաքի «Թեյ» կոչվող տարածքում՝ մոտ 6000 քմ, Որոտան գյուղի վերջնամասում՝ մոտ 2 հա, Վայոց ձորի մարզի Վերնաշեն գյուղում՝ եկեղեցու մոտակայքում՝ մոտ 5000 քմ, Կոտայքի մարզի Նոր Հաճն քաղաքի Տոռոզյան թիվ 14 շենքի մոտակայքում՝ նախկին ռուսական չգործող մանկապարտեզի տարածքում՝ մոտ 400 քմ, Աբովյան քաղաքի Հատիս փողոցի թիվ 6 հասցեում՝ «Նարեկ» ծերանոցի մոտակայքում՝ մոտ 400 քմ, Շիրակի մարզի Արթիկ քաղաքի Լմբատ 3 թաղամասի տներից մեկի մոտակայքում՝ մոտ 300 քմ, Գյումրի քաղաքի Մուշ 2 թաղամասի 11-րդ փողոցի տներից մեկի մոտակայքում՝ մոտ 300 քմ, Կաքավասար գյուղի մոտակայքում գտնվող դաշտերում՝ մոտ 12 հա, Լոռու մարզի «Լոռի Բերդ» քաղաքատեղի պատմամշակութային արգելոցում՝ մոտ 50000 քմ, Արագածոտնի մարզի Աշտարակի ձորում՝ մոտ 2500 քմ, Փարպի գյուղի մոտակայքում՝ մոտ 0.5 հա, Հացաշենի գյուղի դաշտում՝ մոտ 4 հա, Տավուշի մարզի Իջևան քաղաքում՝ մոտ 2 հա խոտածածկույթ:

Բոլոր հրդեհները հրշեջ-փրկարարները մեկուսացրել են և մարել: