Սեպտեմբերի 27-ին՝ ժամը 20.10-ին, «Օպել» մակնիշի ավտոմեքենայի վարորդը Ազատության պողոտայի և Բաբայան փողոցի խաչմերուկում վրաերթի է ենթարկել 61-ամյա տղամարդու, որը մարմնական վնասվածքներով բուժօգնության է դիմել հիվանդանոց:
Կատարվում է հետաքննություն:

***

Սեպտեմբերի 27-ին՝ ժամը 16.30-ին, «Ֆորդ» մակնիշի ավտոմեքենայի վարորդը Վիլնյուսի փողոցի թիվ 3 հասցեի դիմաց վրաերթի է ենթարկել 13-ամյա պատանու, որը մարմնական վնասվածքներով տեղափոխվել է հիվանդանոց:
Կատարվում է հետաքննություն:

***

Սեպտեմբերի 27-ին՝ ժամը 15.00-ին անհայտ ավտոմեքենայի վարորդը Կ.Ուլնեցու և Պ.Սևակի փողոցների խաչմերուկում վրաերթի է ենթարկել 43-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Ոստիկանության ծառայողների ձեռնարկած միջոցառումների շնորհիվ պարզվել է վարորդի ինքնությունը, ով նույն օրը՝ ժամը 16.10-ին, կամավոր ներկայացել է ոստիկանության և տվել խոստովանական բացատրություն:
Կատարվում է հետաքննություն:

***

Սեպտեմբերի 27-ին՝ ժամը 20.00-ի սահմաններում, «ԳԱԶ-3102» մակնիշի ավտոմեքենայի վարորդը Արագած գյուղի սկզբնամասում վրաերթի է ենթարկել 54-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է հետաքննություն:

***

Սեպտեմբերի 27-ին՝ ժամը 06.15-ին, հիվանդանոցից ոստիկանության Թումանյանի բաժնում հաղորդում է ստացվել, որ մարմնական վնասվածքներով իրենց մոտ են տեղափոխվել 1988 թ. ծնված Արայիկ Թ.-ն /1962 թ. ծնված Կամո Դ.-ն և 1998 թ. ծնված Արեն Լ.-ն, ովքեր հայտնել են, որ ավտովթարի են ենթարկվել:
Ձեռնարկված միջոցառումների արդյունքում պարզվել է, որ սեպտեմբերի 26-ին՝ ժամը 22.30-ի սահմաններում, «ԳԱԶ-53» մակնիշի ավտոմեքենան Կաճաճկուտ գյուղից Կաճաճկուտի սար տանող ճանապարհի 7-րդ կմ-ին մառախուղի պատճառով դուրս է եկել երթևեկելի գոտուց ու վթարի ենթարկվել, ինչի հետևանքով «ԳԱԶ-53» վարորդ Արայիկ Թ.-ն և նրա երկու ուղևորները մարմնական վնասվածքներով տեղափոխվել են հիվանդանոց:
Հանգամանքները պարզվում են: