Երեկ՝ հոկտեմբերի 16-ին, հերթական անգամ թալանվել են «Իզի Փեյ» ՍՊԸ-ին պատկանող վճարահաշվարկային տերմինալները։ Ժամը 06։00-ից 12։30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ Գարեգին Նժդեգի թփողոցի թիվ 26/5 հասցեում գտնվող նշված տերմինալից կատարել են գողություն՝ իրենց հետ տանելով այնտեղ եղած խոշոր չափի գումար։

Նույն օրը նմանատիպ եղանակով գողություն է կատարվել Էրեբունի փողոցի թիվ 29 հացեում գտնվող նշված ընկերության վճարահաշվարկային տերմինալից։ Անհայտ անձը կամ անձինք, կոտրելով տերմինալը, այնտեղից նույնպես գողացել են խոշոր չափի գումար։

Ինչպես հայտնում է ֆոտոլրագրող Գագիկ Շամշյանը, սա արդեն վերջին 10 օրվա կտրվածքով 5-րդ դեպքն է, երբ անհայտ անձը կամ անձինք կոտրելու միջոցով թալանում են «Իզի Փեյ» ՍՊԸ-ին պատկանող վճարահաշվարկային տերմինալի դրամապահոցները։