Հաագայի միջազգային դատարանն այսօր հրապարակել է բոսնիացի սերբերի նախկին առաջնորդ, գեներալ Ռատկո Մլադիչի գործով վճիռը՝ նրան մեղավոր չճանաչելով մահմեդականների և խորվաթների ցեղասպանության հարցում։ Սակայն, սա միակ կետն է, որով արդարացման վճիռ է կայացվել։ РИА Новости-ին հայտնում է, որ մնացած 10 դրվագներով Մլադիչը մեղավոր է ճանաչվել և դատապարտվել ցմահ ազատազրկման։

Դատավճիռը կարող է բողոքարկվել։

Դատարանը հաստատել է սերբերի կողմից էթնիկ հողի վրա մահմեդականների և խորվաթների նկատմամբ իրականացված հանցագործությունների փաստը, սակայն չի համարել, որ դրանք ցեղասպանություն կարելի է որակել։

Ավելի վաղ տեղեկացրել էինք, որ 1992-1995թթ. Մլադիչը Բոսնիա և Հերցեգովինայում Սերբիայի Հանրապետության բանակի հրամանատարն է եղել։ Սերբիայի իշխանությունները վերջինիս ձերբակալել էին 2011թ.՝ հանձնելով նրան Հաագայի դատարան։

Մլադիչը մեղադրվում էր պատերազմական իրավիճակում ցեղասպանություն կազմակերպելու և մարդկության դեմ հանցագործութուններ կատարելու մեջ։

Գեներալն իր մեղքը չի ընդունում։

7or.am