Այսօր Ազգային ժողովն արտահերթ նիստում առաջին ընթերցմամբ ընդունել է «Հայաստանի Հանրապետության բյուջետային համակարգի մասին» և «Պետական պարտքի մասին» ՀՀ օրենքներում փոփոխություններ կատարելու մասին նախագիծը:

Կողմ է քվեարկել 61, դեմ՝ 37 պատգամավոր:

Երկրորդ ընթերցմամբ և ամբողջությամբ նաև ընդունվել է ընտանեկան բռնության մասին օրինագիծը:

Կողմ է քվեարկել 75 պատգամավոր, դեմ՝ 12, ձեռնպահ՝ 8:

ԱԺ-ն այսօր ընդունել է «Շահութահարկի մասին» Հայաստանի Հանրապետության օրենքում լրացումներ և փոփոխություններ կատարելու մասին նախագիծը, ՀՀ քաղաքացիական օրենսգրքում փոփոխություններ և լրացումներ կատարելու մասին, «ՀՀ կենտրոնական բանկի մասին» օրենքում փոփոխություններ և լրացումներ կատարելու մասին նախագծերը:

ՀՀ հարկային օրենսգրքում փոփոխություններ կատարելու մասին օրենքի նախագիծը երկրորդ ընթերցմամբ և ամբողջությամբ ընդունվել է 70 կողմ, 28 դեմ ձայների հարաբերակցությամբ:

7or.am