Այն բանից հետո, երբ Թուրքիայի կողմից Աֆրինում սկսված ռազմական գործողությունների ընթացքում քրդական ուժերը խոցեցին Թուրքիայի զինուժի տանկերից մեկը, թուրքական կողմը սկսել է հետաքննություն՝ պարզելու համար, թե որ երկրներն են փոխանցել այդ զենքերը քրդական կողմին:

«Haberler» լրատվամիջոցի պնդմամբ՝ Սիրիայի քրդական ուժերը զենքեր են ստացել 19 երկրից, որոնք հանդիսանում են «Իսլամական պետություն» ահաբեկչական կազմակերպության դեմ ստեղծված դաշնակցային ուժերի անդամներ՝ ԱՄՆ-ի գլխավորությամբ:

Քրդերին տրամադրվող զենքերի մեջ կան նաև ռուսական արտադրության հակատանկային հրթիռներ:

Նույն աղբյուրի համաձայն՝ քրդական ուժերին տրամադրված զենքերն են՝ ըստ ծագման երկրի.

«9К135 Корнет-Э» հակատանկային հրթիռ (Ռուսաստան)

«Milan» հակատանկային հրթիռ(Ֆրանսիա, Գերմանիա)

«AT-13 Metis-M (9K115-2)» հակատանկային հրթիռ (Ռուսաստան, Չինաստան)

«BGM-71 TOW» հակատանկային հրթիռ (ԱՄՆ)

«Фагот» հակահրթիռային համակարգ (Ռուսաստան)

«M79 OSA.» (նախկին Հարասլավիա)

« AT4 » (Շվեյցարիա)

Հիշեցնենք, որ թուրքական տանկի խոցման հետևանքով սպանվել էր 5 թուրք զինվոր:

Աղբյուրը` Ermenihaber.am