Ռուսաստանի մի շարք քաղաքներում ցույցեր են ընթանում ընդդեմ նախագահ Վլադիմիր Պուտինի չորրորդ պաշտոնավարման՝ «Նա մեր ցարը չէ» կարգախոսով։

Հիեցնենք, որ նախօրեին Մոսկվայում, Սանկտ Պետերբուրգում, Չեբոկսարիում, Կեմերովոյում, Տամբովում, Ռյազանում, Կրասնոյարսկում և Կրասնոդարում ձերբակալվել են ընդդիմադիր գործիչ Ալեքսեյ Նավալնիի աջակիցները։

Եկատերինբուրգում իրավապահներն առգրավել են Նավալնիի շրջանային գրասենյակի պատրաստած թռուցիկները:

Վոլգոգրադում աշակերտներին և ուսանողներին ստիպել են ստորագրել մի փաստաթուղթ, որով իշխանությունը տեղեկացրել է «բողոքի ակցիաներին մասնակցելու համար նախատեսված լուրջ հետևանքների, ընդհուպ դպրոցներից և ինստիտուտներից կարգազանցներին վտարելու հնարավորության մասին»:

***

Մոսկվայի կենտրոնում՝ Պուշկինսկի հրապարակից բերման է ենթարկվել ռուսաստանցի ընդդիմադիր գործիչ Ալեքսեյ Նավալնին: «Ազատություն» ռադիոկայանի թղթակիցը տեղից հաղորդում է, որ նա բերման է ենթարկվել հրապարակ գալուց քիչ անց:

Ոստիկանությունը ուժ է կիրառել ցուցարարների նկատմամբ, սպառնալով դիմել նաև հատուկ միջոցների: Հրապարակին են մոտեցել նաև իշխանությունների աջակիցներ: Տեղի են ունցել բախումներ: Տասնյակ մարդիկ բերման են ենթարկվել:

***

Ռուսաստանի տարբեր քաղաքներում բողոքի ակցիաների ժամանակ բերման ենթարկված անձանց թիվը գերազանցել է 350-ը:

7or.am

Видео задержания Навального pic.twitter.com/oLbmfCr9CJ

— Philipp Kireev (@mynameisphilipp) May 5, 2018