Այսօր հրավիրված մամուլի ասուլիսում քաղաքագետ Երվանդ Բոզոյանը նշել է, որ Ռուսաստանը միշտ վարել է մահակի և բլիթի քաղաքականություն և ժամանակ պետք է անցնի, որ նրանք հասկանան՝ ինչպես աշխատել Հայաստանի հետ:

Նաև նշել է, որ ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի այսօրվա հանդիպումը զուտ ճանաչողական է լինելու և շատ բան սպասել պետք չէ։

Ինչ վերաբերում է ՀՀ կառավարության նոր կազմին, ապա ըստ Երվանդ Բոզոյանի՝ նրանք հանրության համար «Կինդեր սյուրպրիզներ» են:

«Կարևոր է, թե ինչ ծրագրով են հանդես գալու, ինչ նախապատրաստական աշխատանքներ են տանելու մինչև արտահերթ ընտրություններ։ Առաջիկայում Ընտրական օրենսգրքում փոփոխությունները պարտադիր են՝ ռեյտինգային ընտրակարգը պետք է հանվի և ընտրակաշառքն էլ վերջնականապես դուրս գա մեր կյանքից: Մինչ ընտրությունները քաղբանտարկյալները պետք է ազատ արձակվեն, որպեսզի նրանք կարողանան մասնակցել ընտրական գործընթացներին»,-ասել է քաղաքագետը:

Մանրամասները՝ а1plus-ի տեսանյութում։

7or.am