05.06.2018 ● 10:10
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
14.11.2024 ● 15:46
14.11.2024 ● 15:38
14.11.2024 ● 15:01
ՃՏՊ Մասիս-Էջմիածին ավտոճանապարհին. կա տուժած
ունիս 5-ին, ժամը 01:34-ին «911» ծառայությանն ահազանգ է ստացվել, որ Մասիս-Էջմիածին ավտոճանապարհին՝ Հայանիստ գյուղի մոտակայքում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մասիս-Էջմիածին ավտոճանապարհի 9-րդ կմ-ին «BMW» մակնիշի ավտոմեքենան դուրս է եկել ճանապարհի երթևեկելի գոտուց և ընկել ջրատարը:
Մինչ փրկարարների՝ կանչի վայր հասնելը, վարորդը տեղի ուժերով դուրս է բերվել ավտոմեքենայից: Տուժածը հրաժարվել է շտապօգնության ծառայությունից:
Փրկարարները հոսանքազրկել են ավտոմեքենան, փակել գազի բալոնի փականը և հատուկ տեխնիկայի օգնությամբ մոտեցրել ավտոքարշակին: