Քաղբանտարկյալների ազատման առումով առաջընթաց կա, բայց մեծ կոռումպացված ձկներին բռնելու մասով դեռ հետ ենք։ Այսօր նման կարծիք արտահայտեց նախկին քաղբանտարկյալ Կարո Եղնուկյանը։

«Մանվելը, Վաչոն ինձ համար մեծ ձկներ չեն»,-ասաց նա։ Ըստ նրա՝ իշխանությունները բավականին կաշկանդված են և ազատորեն գործել դեռևս չեն կարողանում, քանի որ ճնշում կա նախկին համակարգի կողմից։

«Այս իշխանությունները ժառանգել են 30 տարվա սխալներ ու պետք է դրանց տակից դուրս գան։ Բայց չենք էլ կարող մեղադրել մարդկանց, ովքեր տարբեր խնդիրների համար բողոքում են ու պահանջներ են ներկայացնում»,- նշեց նա։

Անդրադառնալով խորհրդարանական ընտրություններին Կարո Եղնուկյանը նշեց, որ հիմա ընտրություններ կազմակերպելու դեպքում դրանք արդար չեն լինի։

«Մենք գիտենք որ ՀՀԿ-ն, ԲՀԿ-ն, ՀՅԴ-ն, ինչպես նաև ՔՊ-ն հիմա լավ ֆինանսական միջոցներ ունեն։ Այս պարագայում արդար մրցակցություն կուսակցությունների մեջ չի կարող լինել»,- ավելացրեց Կարո Եղնուկյանը։

Մանրամասները՝ a1plus.am-ի տեսանյութով։