Հուլիսի 29-ին, ժամը 22.39-ին «911» ծառայությանը տեղեկություն է հաղորդվել, որ Գորիս-Սիսիան ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Մ-2 ավտոճանապարհի Գորիս-Սիսիան հատվածի 4-րդ կմ-ին բախվել են «ՎԱԶ-2107» մակնիշի (վարորդը՝ Ա. Մ., ծնված 1989 թ․) և «ԳԱԶել» մակնիշի (վարորդի ինքնությունը չի հաջողվել պարզել) ավտոմեքենաները:

Փրկարարները «ՎԱԶ-2107» մակնիշի ավտոմեքենայի վարորդին և ուղևոր՝ Վ. Բ.-ին (ծնված 1962 թ.) դուրս են բերել ավտոմեքենայից: Տուժածները հոսպիտալացվել են Գորիսի ԲԿ, որտեղ վարորդը՝ Ա․ Մ.-ն, մահացել է, իսկ ուղևորի առողջական վիճակը բժիշկները գնահատել են ծանր:

Փրկարարները հոսանքազրկել են ավտոմեքենաները և փակել գազի բալոնների փականները:

***

Հուլիսի 29-ին, ժամը 22:29-ին «911» ծառայությանը տեղեկություն է հաղորդվել, որ Սիսիան-Գորիս ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Մ-2 ավտոճանապարհի Սիսիան-Գորիս հատվածի 19-րդ կմ-ին «Mercedes C180» մակնիշի ավտոմեքենան (վարորդը՝ Գ. Ղ., ծնված 1997 թ․) դուրս է եկել ավտոճանապարհի երթևեկելի հատվածից և կողաշրջվել։

Մինչ փրկարարների՝ կանչի վայր հասնելը, Գ. Ղ.-ն (ծնված 1997 թ.) և ուղևորը՝ Ա. Վ.-ն (ծնված 1998 թ.) քաղաքացիների ուժերով դուրս են բերվել ավտոմեքենայից և տեղափոխվել Գորիսի ԲԿ, որտեղ ավտոմեքենայի վարորդը մահացել է, իսկ ուղևորի առողջական վիճակը բժիշկները գնահատել են ծանր:

Փրկարարները հոսանքազրկել են ավտոմեքենան և փակել գազի բալոնի փականը: