Դոնեցկում պայթյունից զոհվել է հանրապետության ղեկավար Ալեքսանդր Զախարչենկոն

● Աշխարհ

31.08.2018 ● 20:39

Դոնեցկում պայթյունից զոհվել է հանրապետության ղեկավար Ալեքսանդր Զախարչենկոն

Դոնեցկի ինքնահռչակ հանրապետության ղեկավար Ալեքսանդր Զախարչենկոն զոհվել է օգոստոսի 31-ին Դոնեցկ քաղաքում տեղի ունեցած պայթյունից: «Արմենպրես»-ի փոխանցմամբ` այս մասին հայտնում է ՏԱՍՍ-ը` վկայակոչելով հանրապետության ուժային կառույցների աղբյուրին:

Աղբյուրի փոխանցմամբ` պայթյունը տեղի է ունեցել «Սեպար» ռեստորանում, որտեղ այդ ժամանակ եղել է Դոնեցկի հանրապետության ղեկավարը:

«Պայթյունի հետևանքով նա մահացու վիրավորում է ստացել»,-ասել է գործակալության զրուցակիցը:

***

Մոսկվայում Դոնեցկի հանրապետության ղեկավար Ալեքսանդր Զախարչենկոյի սպանությունը ահաբեկչություն են որակում: «Արմենպրես»-ի փոխանցմամբ` այս մասին հայտնում է «ՌԻԱ Նովոստի »-ն` վկայակոչելով ՌԴ ԱԳՆպաշտոնական ներկայացուցիչ Մարիա Զախարովայի հայտարարությանը:

«Սեպար» ռեստորանում տեղի ունեցած պայթյունի հետևանքով Դոնեցկի Հանրապետության ղեկավարի զոհվելու մասին ավելի վաղ «ՌԻԱ Նովոստի»-ին հայտնել էր հանրապետության ուժային կառույցների աղբյուրը: Այդ տեղեկությունը հաստատել է ինքնահռչակ հանրապետության ժողովրդական խորհրդարանի պատգամավոր Վլադիսլավ Բերդիչևսկին:

«Մինսկի պայմանավորվածությունները կատարելու ու ներքին հակամարտության լուծման ուղիներ որոնելու փոխարեն Կիևի պատերազմի կուսակցությունն իրականացնում է ահաբեկչության սցենարը` խորացնելով տարածաշրջանի առանց այդ էլ բարդ իրադրությունը»,-լրագրողներին ասել է Զախարովան:

Նա կոչ է արել միջազգային հանրության հսկողության ներքո այս հանցագործության անաչառ քննություն անցկացնել:

«Միջազգային հանրությունը պետք է պահանջի, և հսկողության տակ առնի այսհանցագործության անաչառ քննությունը, որը տեղի է ունեցել խաղաղ բնակչության աչքիառաջ»,-ասել է նա: