Ադրբեջանական հերթական Azerspace-2 հեռուստահեռահաղաորդակցային արբանյակը տիեզերք է ուղրակվել Կուրուի (ֆրանսիական Գվինեա) տիեզերակայանից։ Սա արդեն երրորդ ադրբեջանական արբանյակն է 2013թ-ին տիեզերք ուղարկված Azerspace-1-ից և ցածրաուղեծրային Azersky արբանյակներից հետո։

Azerspace-2 արբանյակը շահագործվելու է 15 տարի։ Ընդգրկելով Եվրոպայի, Կենտրոնական և Հարավարևելյան Ասիայի, Մերձավոր Արևելքի և Արևադարձային Աֆրիկայի երկրներն, այն թույլ կտա ադրբեջանական արբանյակային Azerkosmos օպերատորին ավելի մեծ աշխարհարգրություն ներառել, ինչպես նաև պահեստային արբանյակ կլինի ուղեծրին Azerspace-1-ի համար։

Նախագիծն Ադրբեջանի վրա նստել է գրեթե 192 միլիոն դոլար։ Նախագիծն իրականացվում է Արտահանման զարգացման կանադական գործակալության (Export Development Canada, EDC) երկարաժամկետ և արտոնյալ վարկայի գծի հաշվին։

Նախագահ Իլհամ Ալիևը շնորհավորել է ժողովրդին և պատմել արբանյակներից օգտվելու դրական և շահավետ կողմերի մասին․

• ադրբեջանական հեռուստաալիքները կարող են աշխարհին ներկայացնել իրենց հաղորդումները;
• կխորանա միջազգային համագործակցությունը տիեզերական արդյունաբերության ոլորտում;
• հնարավոր կլինի հետևել իրադարձություններին ոչ միայն Ադրբեջանի, այլև ողջ աշխարհի ցանկացած կետում;
• նոր արբանյակը կուժեղացնի ռազմական ներուժը

և այլն։

«Azerspace-2 հեռուստահեռահաղորդակցային արբանյակն ուղեծիր դուրս բերելը մեր հերթական պատմական հաղթանակն է։ Ադրբեջանն այսուհետ նույնպես կընթանա միայն հաղթանակների և հաջողությունների ճանապարհով»,-ամփոփել է նախագահը։

Սոցցանցերում ինչպես հասարակ օգտատերերն, այնպես էլ մասնագետներն ակտիվորեն քննարկում են հարցի ֆինանսական մասը։

Մասնավորապես, տնտեսագետ Նաթիկ Ջաֆարլին դրան թերահավատորեն է վերաբերվում։ Նա հաշվել է, որ յուրաքանչյուր արբանյակի շինարարության ծախսերից բացի, դրանց սպասարկումը տարեկան 5-10 մլն մանաթ ($3-6 մլն) գումար է պահանջում։ Ընդ որում, առաջին արբանյակը տարեկան ընդամենը 10 մլն մանաթ եկամուտ է բերում, իսկ առավելագույնը 15 տարուց այն անպետք կլինի։

«Եթե այդ արբանյակները ռազմական գործառույթ կատարեին, դեռ կարելի էր հասկանալ։ Իսկ հիմա դրանցից ամենամեծ օգուտն այն է, որ Շեքիում [քաղաք Ադրբեջանի հյուսիսում–հեղ․] 33 հեկտար չօգտագործվող հող է «հայտնաբերվել»։ Շեքիի ցանկացած նախրապանի 100 մանաթ տային, նա Ազերկոսմոսին չօգտագործվող 500 հեկտար ցույց կտար»,–գրում է տնտեսագետը։

Աղբյուրը՝ jam-news.net