SHAMSHYAN.com-ի տեղեկություններով՝ երեկ՝ նոյեմբերի 23-ին, արտակարգ դեպք է տեղի ունեցել Երևանում։ Ժամը 09։40-ի սահմաններում Ոստիկաության Երևան քաղաքի վարչության օպերատիվ կառավարման կենտրոն ահազանգ է ստացվել Երևանի բնակիչ՝ 22-ամյա Անկա Մ.-ից, ով հայտնել է, որ մայրաքաղաքի տներից մեկում մի աղջիկ իր ընկերուհու մազերը սափրել է, վնասել պարանոցը, որից հետո դանակով ու մկրատով վախեցրել ու հայհոյանքներ է տվել։

Ինչպես հայտնում է ֆոտոլրագրող Գագիկ Շամշյանը, նշված հասցե են մեկնել տարածքային ոստիկանության հետաքննչական բաժանմունքի հետաքննիչը, որտեղ Երևանի բնակիչ՝ 20-ամյա Մարիամ Հ.-ն հետաքննիչին հայտնել է, որ առավոտյան ժամը 06։00-ի սահմաններում նշված բնակարանում վիճաբանության ժամանակ իր ծանոթ Անուլիկը մկրատով կտրել է իր մազերը, վնասել պարանոցը, որից հետո ձեռքերով հարվածել իր մարմնի տարբեր մասերին։

Մարիան Հ.-ն հայտնել է նաև, որ դրանից հետո Անուլիկը, իր կամքին հակառակ, փորձել է իր նկատմամբ սեքսուալ բնույթի բռնի գործողություններ կատարել, սակայն իր կամքից անկախ հանգամանքներում այն ավարտին չի հասցրել։ Հետաքննիչի որոշմամբ նշանակվել է դատաբժշկական փորձաքննություն, ոստիկանությունն էլ ձեռնարկում է անհրաժեշտ օպերատիվ միջոցառումներ՝ Անուլիկի ինքնությունը պարզելու և նրան հայտնաբերելու ուղղությամբ։ Փաստի առթիվ տարածքային ոստիկանության հետաքննչական բաժանմունքում նյութեր են նախապատրաստվում։