Այսօր խորհրդարանում պատասխանելով լրագրողների այն հարցին, թե ՀՀ էկոնոմիկայի նախարար Ներսես Երիցյանը հայտարարել է, որ իրենք պատվով հաղթահարել են տնտեսական ճգնաժամը՝ «Բարգավաճ Հայաստան» խմբակցության ղեկավար Գագիկ Ծառուկյանն ասել է.

-Ինքը չի տիրապետում ո՛չ էկոնոմիկային, ո՛չ երկրի տնտեսական վիճակին։

Գ. Ծառուկյանը հավելել է նաև, որ այսօր 4-6% տնտեսական աճ ունեցող երկրներն անգամ չեն համարձակվում հայտարարել, թե պատվով հաղթահարել են տնտեսական ճգնաժամը, քանի որ հնարավոր է՝ ճգնաժամի 2-րդ փուլ լինի։

Ինչ վերաբերում է այն հարցին, թե երկրի նախագահին ասվե՞լ է, որ Ներսես Երիցյանը չի տիրապետում ո՛չ էկոնոմիկային, ո՛չ երկրի տնտեսական վիճակին, ԲՀԿ նախագահը պատասխանել է.

-Երկրի նախագահը դա գիտի և համապատասխան քայլեր ինքը կատարում է։ Նորից եմ ասում՝ ամեն ինչ չի կարելի երկրի նախագահի վրա թողնել։ 

7or.am