Նախագահ Սերժ Սարգսյանը մարտի 15-ին հրամանագիր է ստորագրել Մհեր Շահգելդյանին ՀՀ արտա­կարգ իրավիճակների նախարարի պաշտոնից ազատելու մասին։

Նախագահի մեկ այլ հրամանագրով Արմեն ԵՐԻՑՅԱՆԸ նշանակվել է ՀՀ արտակարգ իրավիճակների նախարար։

Արմեն Երիցյան /կենսագրական տվյալներ/

Ծնվել է1960թ. Երեւան քաղաքում:

1978թ. ավարտել է Երեւանի թիվ 12 միջնակարգ դպրոցը:

1979-1981թթ. ծառայել է Զինված ուժերում:

ՀՀ ոստիկանությունում ծառայում է 1982թ-ի օգոստոս ամսից:

1984-4986թթ. սովորել է ԽՍՀՄ ՆԳՆ Կալինինգրադի միլիցիայի միջնակարգ մասնագիտացված դպրոցում:

1987-1990թթ. ուսանել եւ ավարտել է ԽՍՀՄ ՆԳՆ Վոլգոգրադի  բարձրագույն քննչական դպրոցը եւ ծառայությունը շարունակել Երեւան քաղաքի վարչության քրեական հետախուզության բաժնի օպերլիազորի, ավագ օպերլիազորի, բաժանմունքի պետի պաշտոններում:

Ծառայության ընթացքում զբաղեցրել է մի շարք ղեկավար պաշտոններ' Խորհրդային ՆԳ բաժնի պետի, Կազմակերպված հանցավորության դեմ պայքարի գլխավոր վարչության պետի տեղակալի, նույն վարչության պետի, Կոտայքի մարզային վարչության պետի, իսկ 1999թ-ի օգոստոս ամսից' կրկին Կազմակերպված հանցավորության դեմ պայքարի գլխավոր վարչության պետի պաշտոնները: 2001թ. օգոստոս ամսին նշանակվել է ՀՀ Ներքին գործերի նախարարի տեղակալի պաշտոնին, 09.01.2003թ-ից' ՀՀ ոստիկանության պետի տեղակալի, իսկ 04.06.2008թ-ից' ՀՀ ոստիկանության պետի առաջին տեղակալի պաշտոնին:

2000թ. ՀՀ Նախագահի հրամանագրով պարգեւատրվել է Արիության մեդալով, 2006թ-ին' □Հասարակական կարգի գերազանց պահպանման համար□ մեդալով եւ նույն թվականին ԼՂՀ նախագահի հրամանագրով պարգեւատրվել է □Մխիթար Գոշ□ մեդալով:

Ունի իրավաբանական գիտությունների դոկտորի գիտական աստիճան:

10 մենագրությունների, 3 միջազգային իրավական ակտերի ժողովածուների եւ 100-ից ավելի գիտական հոդվածների հեղինակ է:

Դասավանդում է Երեւանի պետական համալսարանում:

Ամուսնացած է, ունի երկու երեխա:

Նախագահ Սերժ Սարգսյանը հրամանագրեր է ստորագրել նաեւ Գուրգեն Մարգարյանին ՀՀ տրանսպոր­տի ու կապի նախարարի պաշտոնից ազատելու եւ Մանուկ Վարդանյանին այդ պաշտոնում նշանակելու վերաբերյալ:

Մանուկ Վարդանյան /կենսագրական տվյալներ/

Ծնվել է 1961թ-ին Գյումրի քաղաքում:

1978թ-ին ավարտել է Երեւանի N 159 միջնակարգ դպրոցը:

1983թ. ավարտել է Մոսկվայի Հողաշինարարական ինստիտուտը:

1983-1985թթ. աշխատել է □Հայպետհողշիննախագիծ□ ինստիտուտում: Այնուհետեւ

Հրազդանի շրջխորհրդի գործկոմում' որպես գլխավոր ինժեներ-հողաշինարար:

1995թ-ին ընտրվել է ՀՀ ԱԺ պատգամավոր:

1996-1997թթ. աշխատել է ՀՀ քաղաքաշինության նախարարությունում' որպես կադաստրի վարչության պետ:

1997-2009թթ. զբաղեցրել է ՀՀ կառավարությանն առընթեր անշարժ գույքի կադաստրի պետական կոմիտեի նախագահի պաշտոնը:

Զինապարտ է:

Ունի տեխնիկական գիտությունների թեկնածուի գիտական աստիճան: Պարգեւատրվել է Անանիա Շիրակացու մեդալով/2003թ./: 2002թ. ՀՀ վարչապետի կողմից ստացել է շնորհակալագիր, իսկ 2006թ. պարգեւատրվել է ՀՀ վարչապետի հուշամեդալով:

Ամուսնացած է, ունի մեկ որդի եւ մեկ դուստր:  

Նախագահի հրամանգրերով Արմեն Երիցյանն ազատվել է ՀՀ կառավարությանն առընթեր ՀՀ ոստիկանության պետի առաջին տեղա­կալի, իսկ       Մանուկ Վարդանյանը' Հայաստանի Հանրապետության Նախա­գա­հի խորհրդականի պաշտոնից: