Վերջերս ՀՀ վարչապետ Տիգրան Սարգսյանը ՀՀ գյուղնախարար, ՕԵԿ անդամ Գերասիմ Ալավերդյանին նկատողություն էր հայտարարել։Այսօրվա ասուլիսում գյուղնախարարը վստահաբար հայտարարեց, որ թերացումների պատճառով նախարարությունում կադրային փափոխությունների ընթացքում նա չի հեռացվի պաշտոնից:

«Ես ամուր, շատ ամուր կանգնած եմ իմ ոտքերի վրա, ես համապատասխան ծրագրեր ունեմ, աշխատում եմ: 2009 թվականին միակ ոլորտը, որ 0.1 % անկում ունեցավ' գյուղատնտեսության ոլորտն է, մնացած ոլորտները մոտ 15 % անկումներ ունեցան: Դրանք հերյուրանքներ են, ես չեմ պատրաստվում ոչ հրաժարական տալ, ոչ էլ...»,-ասալ է գյուղնախարաը:
Ի դեպ, այսօր մամուլի ասուլիսի ժամանակ ՕԵԿ նախագահը, պատասխանելով իր և վարչապետի միջև եղած հնարավոր լարվածության վերաբերյալ հարցին, ասել էր. «Որևէ լարվածություն իմ և Տիգրան Սարգսյանի միջև չկա։ Սովորական բնականոն աշխատանքային գործընթաց է, և պետք չէ փոքր բաներից մեծ աղմուկ սարքել»։