«Կոնգրես» հյուրանոցում մեկնարկել է ՀՅ Դաշնակցության կազմակերպած «Սոցիալիստական մոտեցումներ Հայաստանի մարտահրավերներին. գլոբալ հեռանկարներ-տեղական իրողություններ» խորագով միջազգային երկօրյա  խորհրդաժողովը։

Խորհրդաժողովին մասնկցում են միջազգային փորձագետներ, քաղաքական և հասարակական գործիչներ, հայաստանյան քաղաքական և հասարակական բազմաթիվ գործիչներ։

ՀՅԴ Բյուրոյի անդամ Վահան Հովհաննիսյանը նշել է, որ խորհրդաժողովի կազմակերպումը մեծ ջանքեր է պահանջել.

-Մենք փորձեցինք կազմակերպել այն այնպես, որ հնարավորինս շատ մասնագետներ ներկա լինեն ոչ միայն Հայաստանից, այլև ողջ աշխարհից, ներկա լինեն սոցալիստական կողմնորոշում և ուղղվածություն ունեցող Հայաստանի քաղաքական կազմակերպությունները։ Հիմա, երբ կառավարության գործունեությունը ճգնաժամի պայմաններում մնում է վիճահարույց մեր հասարակության համար, այս կոնֆերանսը կոչված է պատասխաններ տալ, թե ինչ միտումներ մենք կգտնեինք ճիշտ ստեղծված պայմաններում և այդ լուծումներն ինչպես պետք է տեղակայվեին համաշխարհային զարգացումների կոնտեքստում,- նշել է Վահան Հովհաննիսյանը։  

7or.am