Մարտի 25-ին, ժամը 00.40-ին Վայոց ձորի մարզից տեղեկություն է ստացվել, որ Երեւան-Մեղրի ավ­տո­ճանապարհի 98-րդ կմ-ում տեղի է ունեցել ավտոպատահար, եւ անհրաժեշտ է փրկարարների օգնությունը:

Դեպքի վայր են մեկնել մարզային փրկարարական վարչության փրկարար ջոկատը եւ Եղեգնաձորի հրշեջ-փրկարար ջոկատից երկու փրկարար:

Դեռեւս չպարզված հանգամանքներում' «Մերսեդես» մակնիշի 87 PՏ 770 պետհամարանիշի ավ­տո­մե­քենան դուրս է եկել ճանապարհի երթեւեկելի հատվածից եւ բախվել մայթեզրի քարե շինությանը:

Պատահարի հե­տեւան­քով վարորդը' Արարատի մարզի Երասխ գյուղի բնակիչ, 1982 Ա. Աղախանյանը և ուղեւոր' նույն մարզի Արարատ գյուղի բնակիչ, 1982 թ. ծնված Գ. Կա­րապետյանը, տեղում զոհվել են: Մյուս ուղեւորները' Արարատ գյուղի բնակիչներ, 1980 թ. ծնված Ա. Գեւորգյանը եւ 1983 թ. ծնված Գ. Նա­զա­րեթ­յա­նը, փրկա­րար­ների օգնությամբ դուրս են բերվել ավտոմեքենայից եւ տարբեր մարմնական վնաս­վածքներով տեղափոխվել Եղեգնա­ձորի բժշկական կենտրոն:

Բժիշկների կողմից Գ. Նազարեթյանի վի­ճա­կը գնահատվել է ծանր, Ա. Գեւորգյանի­նը' բավարար: