Լրագրողների հետ հանդիպման ժամանակ ԱԺ տնտեսական հարցերի մշտական հանձնաժողովի նախագահ, ՀՀԿ-ական պատգամավոր Վարդան Այվազյանը հայտնել է, թե վերջին 11 ամիսում պարենի գները բարձրանում են, և դա պայմանավորված է միջազզային շուկայում տեղի ունեցող զարգացումներով:

-Հիմա քննարկվում է տնտեսական մրցակցության մասին օրենքը, ձկնաբուծության մասին օրենքը: Սննդամթերքի թանկացման տենդենցը շարունակվելու է: Քանի որ Հայաստանը ներմուծող երկիր է, նա պետք է որոշակի գործառույթներ անի: Լուրջ բարեփոխումներ պետք է իրականացվի գյուղատնտեսության ոլորտում,-ասել է նա:

Նրա խոսքերով՝ Հայաստանը աշխարհից կտրված երկիր չէ, և միջազգային շուկայում տեղի ունեցող բոլոր գործոնները ազդում են նաև մեր շուկայի վրա։

Ըստ Վարդան Այվազյանի՝ անհրաժեշտ են գյուղատնտեսության ոլորտի ու դրան վերաբերող օրենսդրության լուրջ բարեփոխումներ, և  դրանք արդեն սկսվել են։

7or.am