«Ինչպե՞ս կմեկնաբանեք ՀՀ տնտեսության վերաբերյալ ՀՀ երկրորդ նախագահ Ռոբերտ Քոչարյանի քննադատությունը» լրագրողների հարցին  ՀՀ ֆինանսների նախարար Տիգրան Դավթյանն ասել է.

-Ես ինձ իրավունք չեմ վերապահի մեկնաբանել երկրի երկրորդ նախագահի մեկնաբանությունները։

Տնտեսական ճգնաժամից դուրս գալու մասին խոսելիս նա նշել է, որ տնտեսության այս տեմպերի պահպանման դեպքում, մի քանի գործոններից կախված, կարելի է խոսել 2011-ին ոչ թե ճգնաժամից դուրս գալու, այլ մակրոտնտեսական որոշ ցուցանիշների առումով ծավալների վերականգնման մասին։

Դոլար-դրամ հարաբերակցությանն անդրադառնալով՝ Տիգրան Դավթյանն ասել է.

-Փոխարժեքը տատանվելու է։ Կարծում եմ՝ հիմնական խնդիրը Կենտրոնական բանկն իր վրա է վերցրել, որ կտրուկ տատանումներից խուսափի։ Դա է քաղաքականությունը, և հուսով եմ՝ կտրուկ տատանումներ չպետք է լինեն։

7or.am