Լրագրողների հետ հանդիպման ժամանակ ՀՀԿ խմբակցության ղեկավար Գալուստ Սահակյանը նշել է, թե ԱՄՆ կողմից ՀՀ նախագահին Վաշինգտոնում կայանալիք միջուկային անվտանգության համաժողովին մասնակցելու հրավերը մեր պետությանն ու հանրապետության նախագահին արժանի մոտեցում է ու հարգանքի նշան։

Նրա խոսքերով՝ միջազգային գրեթե բոլոր համաժողովներում քննարկվում են Հայաստանին վերաբերող հարցեր, քանի որ վերջին տարիներին Հայաստանի քաղաքականությունն ավելի հրապարակային է դարձել:

Այն հարցին, թե հնարավո՞ր է, որ Վաշինգտոնում կայանա ՀՀ նախագահի ու Թուրքիայի պատվիրակության անդամների հանդիպումը, նա պատասխանել է, թե համաժողովի ձևաչափը թույլ է տալիս տարբեր հանդիպումներ ունենալ, բայց դրանցից պետք չէ շատ բան ակնկալել։

-Իհարկե, շատ հնարավոր է հանդիպում, թեպետ մեր ասելիքի, մեր մոտեցումների շրջանակում,-հավելել է ՀՀԿ ներկայացուցիչը:

7or.am