Հայաստանում Արժույթի միջազգային հիմնադրամի մշտական ներկայացուցիչը՝ Գիերմո Տոլոսան, լրագրողների հետ հանդիպման ժամանակ անդրադառնալով ՀՀ կառավարության հակաճգնաժամային ծրագրին՝ասել է, թե այն քաղաքականությունը, որը  ՀՀ կառավարությունը ձեռնարկել էր, շատ արդյունավետ է եղել։

-Ես անձամբ հավատացած եմ, որ նման քաղաքականություն եթե չլիներ, ապա տնտեսական  անկումը, տնտեսության ծավալների կրճատումը շատ ավելի վատ վիճակում կլինեին։ Նկատի չունեմ, որ կառավարությունն այնքան հզոր է եղել, որ կարողացել է մեկուսացնել  բնակչությունը ճգնաժամի հետևանքներից, բայց եթե չլիներ նման քաղաքականություն, ապա իրավիճակն ավելի վատթար կլիներ։ Ես աշխատել եմ այլ երկրներում, որոնք հայտնվել են համանման իրավիճակներում, և տնտեսական անկման պայմաններում սոցիալական հետևանքները Հայաստանում, համեմատած այդ երկրների հետ, ավելի մեղմ են,-նշել է նա։

Ի դեպ, Գիերմո Տոլոսան անդրադարձել է հարկերի հավաքագրմանը և նշել, որ այդ նույն երկրներում, որտեղ նա աշխատել է, վիճակն ավելի լավ է այդ առումով։

-Պետք է ասեմ, որ Հայաստանում գոյություն ունի ենթաիրականություն, և հարկերի հավաքագրման հարաբերակցությունը, համեմատած տնտեսության ծավալների հետ, շատ քիչ է, եթե համեմատության մեջ ենք  դնում այդ ցուցանիշը ենթասահարային տարածաշրջանային այդ երկրների ցուցանիշների հետ,-նշել է նա։

7or.am